Aktres na si Anita Linda pumanaw sa edad na 95

Pumanaw na sa edad na 95 ang beteranang aktres na si Anita Linda.

Sa post sa kaniyang Facebook ng screenwriter at film director na si Adolfo Alix Jr., pumanaw ang aktres alas 6:15 ng umaga ng Miyerkules (June 10).

Nagpaabot din si Alix ng pakikiramay sa pamilyang naulila ng aktres.

“This is a very sad day for me. I am trembling as I am gathering my thoughts… She is like my Lola and part of my family,” ayon kay Alix.

Si Anita Linda na kapwa itinanghal na best actress ng FAMAS at Gawad Urian ay bahagi ng showbiz industry sa halos pitong dekada na.