Ilang lugar sa Luzon, uulanin sa susunod na mga oras

Asahang makakaranas ng pag-ulan ang ilang lalawigan sa Luzon, ayon sa PAGASA.

Batay sa thunderstorm advisory bandang 2:00 ng hapon, iiral ang katamtaman hanggang mabigat na buhos ng ulan na may kidlat at malakas na hangin sa Nueva Ecija, Zambales, Bataan at Quezon.

Ayon sa PAGASA, mararanasan ang pag-ulan sa susunod na dalawang oras.

Dahil dito, nagbabala ang weather bureau sa mga residente sa mga nabanggit na lugar na maging maingat sa pagbaha o pagguho ng lupa.