Grupo ng mga kabataan nagsagawa ng protesta sa Legazpi City kontra Anti Terrorism Bill

Nagsagawa ng kilos protesta ang grupo ng mga kabataan sa Peñaranda Park sa Legazpi City.

Ito ay para tutulan ang pagpasa sa Anti-Terrorism Bill.

Para makaiwas umano sa paghuli ng mga pulis, tinawag ng grupo na “Mañanita Party” ang kanilang ginagawang pagkilos.

Sa ginawang kilos protesta, tiniyak ng grupo na maayos nilang nasusunod ang pagkakaroon ng safe distancing.

Panawagan ng grupo, ibasura ang terror bill.

May mga nakaantabay namang mga pulis sa lugar upang magpanatili ng kaayusan.