Bilang ng nasawi sa Brazil dahil sa COVID-19 mahigit 36,000 na

Sumampa na sa halos 700,000 ang kaso ng COVID-19 sa Brazil.

Sa magdamag, nakapagtala ng mahigit 18,000 na bagong kaso ng COVID-19 sa nasabing bansa.

Sa ngayon umabot na sa 691,962 ang nakumpirmang kaso ng COVID-19 doon.

Nakapagtala din ito ng panibagong mahigit 500 na nasawi dahil sa sakit.

Dahil dito mahigit 36,400 na ang death toll sa COVID-19 ng Brazil.

Ang Brazil ay pangalawa na sa mga bansa sa mundo na mayroong pinakamaraming kaso ng COVID-19 kasunod ng Estados Unidos.

Ang Brazil ay pangatlo na sa mga bansang mayroong pinakamaraming bilang ng nasawi dahil sa COVID-19.