Facebook nagsimula nang magtanggal ng mga pekeng accounts

Sinimulan na ng Facebook ang pagtatanggal sa mga pekeng accounts sa Pilipinas.

Kasunod ito ng pagdami ng pekeng account sa Pilipinas simula kahapon.

Sa panayam ng Radyo Inquirer kay National Privacy Commission (NPC) Chairperson and Commissioner Mon Liboro, mula kagabi hanggang ngayong araw ay nagpapatuloy ang pagtatanggal ng Facebook sa mga peke at duplicated accounts.

“Simula kahapon marami nang natanggal na pekeng Facebook acocunts, and it’s a continuing effort,” ani Liboro.

Payo ni Liboro sa publiko agad ireport kung ang kanilang account ay nagkaroon ng duplication, o sa tingin nila ay nagamit ang pangalan nila sa paggawa ng pekeng account.