Dalawa pang kaso ng COVID-19, naitala sa Western Visayas

Nagpositibo ang dalawa pang pasyente sa COVID-19 sa bahagi ng Western Visayas.

Ayon sa Department of Health Western Visayas Center for Health Development hanggang June 7, umakyat na sa 125 ang mga kumpirmadong kaso ng COVID-19 sa rehiyon.

Kabilang dito ang mga sumusunod:
– 40-anyos na lalaking residente ng San Joaquin, Iloilo
– 28-amyos na lalaking residente ng Lezo, Aklan

Sa ngayon, nakasailalim ang dalawang bagong COVID-19 patient sa quarantine facility.

Samantala, nanatili naman sa 88 ang mga gumaling sa Western Visayas.

Nasa 11 naman ang bilang ng nasawi sa rehiyon dahil sa nakakahawang sakit.