Global cases ng COVID-19 mahigit 6.6 million na

Umakyat na sa mahigit 6.6 million ang naitatalang kumpirmadong kaso ng COVID-19 sa buong mundo.

Sa pinakahuling datos, sa nasabing bilang, mayroong mahigit 391,000 ang nasawi.

Umabot naman na sa mahigit 3.2 milyon ang naitatalang naka-recover o gumaling na sa sakit.

Habang mahigit 3 milyon pa ang aktibong kaso kung saan mahigit 55,000 dito ang kritikal ang kondisyon.

Sa nakalipas na magdamag, ay umabot sa mahigit 117,000 ang naitalang bagong kaso ng COVID-19 sa buong mundo at mahigit 4,800 ang naitalang bagong nasawi sa sakit.