Si Tanyag ay una nang nag-post ng video sa Facebook at nanawagan ng tulong dahil hindi umano siya dinadala sa ospital ng kaniyang employer sa kabila ng matinding ubo, lagnat, at hirap sa paghinga.
Sa pahayag ng embahada, nagpaabot ito ng pakikiramay sa mga naulila ni Tanyag.
Sinabi rin ng embahada na hihingan nito ng paliwanag ang employer ni Tanyag hinggil sa kawalan nito ng aksyon sa pagkakasakit ng OFW.
Nakausap na din ng embahada ang kumpanya para sa agad na repatriation ng mga labi ni Tanyag gayundin ang pagsiguro sa mga benepisyo nito.
Tiniyak ng embahada na sa kabila ng pandemic ng COVID-19 ay patuloy na pinoprotektahan ang karapatan at interest ng mga OFW sa Saudi Arabia.