Presyo ng produktong petrolyo may dagdag-bawas simula bukas

Magpapatupad ng price adjustment ang mga kumpanya ng langis sa kanilang produktong petrolyo.

Bawas na 20 centavos ang ipatutupad sa kada litro ng gasolina.

Habang may dagdag naman na 80 centavos sa kada litro ng kerosene at 25 centavos ang dagdag sa kada litro ng diesel.

Ang kumpanyang Shell at Seaoil ay kapwa nag-anunsyo na ng price adjustment epektibo bukas, alas 6:00 ng umaga.

Inaasahang mag-aanunsyo na din ng dagdag at bawas presyo ang iba pang kumpanya ng langis ngayong araw.