Pangulong Duterte umapela sa private schools na pumayag na gawing hulugan ang pagbabayad sa tuition fee

Umapela si Pangulong Rodrigo Duterte sa mga pribadong paaralan na gawing hulugan ang paniningil ng tuition fee ngayong may pandemic ng COVID-19.

Sa kaniyang public address, nanawagan ang pangulo sa mga private school na magpatupad ng staggered payments o installment sa tuition fee.

Ito ay dahil maraming magulang ang nahinto o nawalan ng trabaho bunsod ng problema sa COVID-19.

Sinabi rin ng pangulo na para sa mga magulang na talagang walang pang-enroll sa kanilang anak ay pwedeng humiram ng pera sa Land Bank.

Magbubukas aniya ng sistema ang Land Bank kung saan maaring makapag-loan ang mga magulang upang mai-enroll ang mga anak.