Aaron Aquino ililipat sa ibang pwesto sa gobyerno

Kinumpirma ng tagapagsalita ng Philippine Drug Enforcement Unit (PDEA) na sinibak sa pwesto ni Pangulong Rodrigo Duterte si Aaron Aquino bilang PDEA director general.

Ayon sa tagapagsalita ng PDEA na si Derrick Carreon, hindi kusa na nagbitiw sa pwesto si Aquino.

Inalis aniya sa pwesto si Aquino dahil ililipat siya sa iba pang pwesto sa pamahalaan.

Nakatakda aniyang mag-assume sa bagong pwesto sa gobyerno si Aquino pero hindi naman binanggit ni Carreon kung saang ahensya at anong posisyon.

Si PDEA Region 10 Director Wilkins Villanueva ang itinalaga ni Pangulong Duterte bilang bagong director general ng PDEA kapalit ni Aquino.

Bago maging direktor sa PDEA Region 10 ay naging PDEA NCR Director din si Villanueva.