Gadgets para sa public school students sa Pasig hinahanapan na ng pondo ni Mayor Vico Sotto

Naghahanap na ng pondo si Pasig City Mayor Vico Sotto para mabilihan ng gadgets ang mga mag-aaral sa public school sa lungsod.

Ayon kay Sotto kabilang din sa pinaghahandaan nila ang pagkakaroon ng mas maayos na internet connections sa lahat ng mga barangay sa lungsod.

Ito ay kung tuluyan nang magkakaroon ng virtual classes dahil sa pandemic ng COVID-19.

Sinabi ni Sotto na hindi puwedeng hayaan na mahuli ang mga mag-aaral sa mga pampublikong paaralan.

Nakikipag-ugnayan na aniya ang Pasig LGU sa Department of Education (DepEd) tungkol dito.

“We are identifying funds for personal learning devices for students,” ayon kay Sotto.