Hinatuan, Surigao del Sur magkasunod na nilindol

Magkasunod na nakaranas ng lindol ang Hinatuan, Surigao del Sur Linggo ng hapon.

Ayon sa Phivolcs, unang tumama ang magnitude 3.4 na lindol sa layong 36 kilometers Southeast ng Hinatuan bandang 1:05 ng hapon.

Pitong kilometers ang lalim nito.

Makalipas lamang ang apat na minuto, yumanig naman ang magnitude 3.8 na lindol sa layong 34 kilometers Northeast ng kaparehong bayan.

11 kilometers naman ang lalim ng pagyanig.

Kapwa tectonic ang pinagmulan ng dalawang lindol.

Sinabi ng Phivolcs na walang naidulot na pinsala at aftershocks ang mga pagyanig.