Biker patay matapos mag-collapse habang binabaybay ang EDSA

Nasawi ang isang biker makaraan itong mag-collapse habang binabaybay ang EDSA Biyernes, May 22 ng umaga.

Ayon sa Facebook post ni MMDA special traffic and transport zone head Edison ‘Bong’ Nebrija, nasa bahagi ng EDSA Magallanes Northbound ang biker nang siya ay biglang mag-collapse.

Naisugod pa ito sa Makati Medical Center pero idineklarang dead on arrival.

Kaugnay nito, umapela si Nebrija sa mga biker na tiyaking sila ay physically fit kapag bibiyahe gamit ang bisikleta.

Kailangan aniyang tiyakin na kaya ng katawan ang matinding init ng panahon.