2 patay, 6 sugatan sa buhawi sa Indonesia

Nasawi ang dalawa katao makaraang manalasa ang buhawi sa Indonesia.

Ayon kay Raditya Jati, tagapagsalita ng National Disaster Mitigation Agency sa nasabing bansa, naganap ang buhawi sa bahagi ng Tulang Bawang district sa Lampung province.

Lubha aniyang nasugatan ang anim pang katao.

Naisugod na ang mga biktima sa ospital para mabigyan ng lunas.

Ayon pa kay Jati, nasa 245 bahay sa tatlong barangay ang napinsala at nawalan ng kuryente.

Inilikas na ng mga otoridad ang mga residente sa mga lugar para maalis ang mga debris.