BREAKING: Bilang ng mga gumaling sa COVID-19 sa Pilipinas, sumampa na sa 3,000

Pumalo na sa 3,000 ang bilang ng mga naka-recover na pasyente sa COVID-19 sa Pilipinas.

Batay sa huling datos ng Department of Health (DOH) hanggang 4:00, Huwebes ng hapon (May 21), 68 ang bagong gumaling sa COVID-19 sa bansa.

Samantala, sumampa na sa 13,434 ang kabuuang bilang ng tinamaan ng nakakahawang sakit sa Pilipinas.

9,588 rito ang aktibong kaso.

Sinabi ng kagawaran na 213 ang bagong napaulat na kaso sa bansa sa nakalipas na 24 oras.

Sa 213 na bagong kaso, 98 o 46 porsyento ay mula sa National Capital Region; 98 o 46 porsyento rin sa Region 7; habang 17 o anim na porsyento sa iba pang lugar.

Apat naman ang nadagdagan sa COVID-19 related deaths kaya umabot na sa 846.