Nakuhang swab sample sa Makati City, umabot na sa 3,827

Umabot na sa 3,827 katao ang sumailalim sa pagsusuri para sa COVID-19.

Sa datos ng Makati Health Department at Ospital ng Makati hanggang May 20, kabilang dito ang frontliners, health workers, probable patients, at persons under monitoring.

Ayon kay Mayor Abby Binay, libreng isinasagawa ang mass testing sa frontliners at may sintomas ng COVID-19 para matukoy, maibukod, at magamot ang mga may sakit.

Mahalaga aniyang masuri ang frontliners dahil mayroon silang direktang ugnayan sa mga pasyente.

Dagdag pa nito, importante ring maging malusog at ligtas sa COVID-19.