11 volcanic earthquake naitala sa Bulkang Taal sa magdamag

Nakapagtala ng 11 volcanic earthquake sa bulkang Taal sa nakalipas na magdamag.

May naitala ding mahinang steaming activity sa main crater ng bulkan na may taas na 100 metro.

Ayon sa Phivolcs, nananatili sa alert level 1 ang alert status ng bulkang Taal.

Bawal pa rin ang pagpasok sa permanent danger zone ng bulkan partikular sa bisinidad ng main crater at sa Taal Volcano Island.