Tatlong barangay sa Polomolok, South Cotabato isinailalim sa lockdown

Isinailalim sa lockdown ang tatlong mga barangay sa bayan ng Polomolok sa South Cotabato.

Ito ay matapos na mayroong residente na magpositibo sa COVID-19.

Kabilang sa isinara ang mga boundary ng Barangays Rubber, Magsaysay at Lumakil.

Ayon sa South Cotabato Provincial Health Office, isang pasyente ang dinala sa ospital noong May 9 pero pinauwi din matapos bumuti ang kondisyon kahapon May 18.

Pero kalaunan, lumabas ang resulta ng COVID-19 test nito na nagsasabing siya ay positibo sa sakit.

Muling dinala sa isolation facility ang pasyente.