#AmboPH isa na lamang LPA; Signal no. 1, inalis na

By: Angellic Jordan - 5 years ago

Tuluyan nang humina ang Bagyong Ambo at isa na lamang low pressure area, ayon sa PAGASA.

Batay sa severe weather bulletin ng PAGASA, huling namataan ang sentro ng bagyo sa 125 kilometers Northwest ng Basco, Batanes bandang 4:00, Linggo ng hapon (May 17).

Tinatahak ng LPA ang direksyong pa-Hilagang Silangan.

Dahil humina na ang sama ng panahon, inalis na sa Tropical Cyclone Wind Signal no. 1 ang Batanes.

Ngunit, sinabi ng PAGASA na asahan pa ring magdudulot ang LPA ng mahina hanggang katamtaman na kung minsan ay malakas na pag-ulan sa Batanes.