Mahigit 300,000 katao inilikas sa Bicol Region dahil sa Typhoon Ambo

Umabot sa mahigit 300,000 katao ang inilikas sa mga evacuation center sa Bicol Region dahil sa pananalasa ng Typhoon Ambo.

Inilikas sa mahigit 2,000 evacuation centers ang 61,189 na pamilya o katumbas ng 305,945 na katao.

Base ito sa datos ng Police Regional Office – 5.

Pinakamaraming inilikas sa lalawigan ng Sorsogon na umabot sa 28,255 na pamilya o 141,275 na indbidwal.

Narito ang bilang ng mga inilikas sa iba pang mga lalawigan sa Bicol Region:

Albay – 14,688 families o 73,440 individuals
Camarines Sur – 12,799 families o 63,995 individuals
Masbate – 2,799 families o 13,995 individuals Catanduanes – 2,015 families o 10,075 individuals
Naga City – 550 families o 2,750 individuals

Ayon kay Maj. Maria Luisa Calubaquib, tagapagsalita ng Bicol regional police office, 322 katao ang stranded ngayon sa mga pantalan sa Sorsogon at Albay.