Multa sa hindi pagsusuot ng mask sa Qatar aabot sa katumbas ng P2.6M

Mandatory na ang pagsusuot ng face mask sa Qatar.

Sa anunsyo ng interior ministry office ng Qatar, lahat ng lalabas ng bahay ay dapat nakasuot ng mask.

Ang mga hindi susunod ay papatawan ng multa na 200,000 riyals o katumbas ng P2.6 million.

Maari ding makulong ng hanggang tatlong taon ang mga lalabag.

Maari namang magtanggal ng mask kung nasa loob ng sasakyan at mag-isa lamang na nagmamaneho o walang ibang sakay.

Ang Qatar ay mayroong 28,272 na kaso ng COVID-19.