Security Guard sa Cebu inaresto dahil sa pagpo-post ng banta kay Pangulong Duterte sa kaniyang social media

Isang lalaki pa sa Cebu ang inaresto ng mga tauhan ng National Bureau of Investigation – Central Visayas (NBI-7) dahil sa pag-post ng banta kay pangulong Rodrigo Duterte sa kaniyang social media.

Dinakip ng mga otoridad si Dether Pajartine Japal, isang security guard mula Lapu-Lapu City Huwebes (May 14) ng umaga.

Sa imbestigasyon ng NBI, nag-post si Japal sa kaniyang Facebook na magbibigay siya ng P20,000 sa sinumang makapapatay kay Pangulong Duterte.