Mahigit 4,600 na indibidwal naisailalim sa COVID test sa community-based testing sa QC

Simula ng buksan ang community-based testing centers sa bawat distrito sa Quezon City ay umabot na sa 4,646 na indibidwal ang naisailalim sa tests.

Sa nasabing bilang, natanggap na ng lokal na pamahalaan ang resulta ng aabot sa 1,383 na tests.

Mayroong 181 na nagpostibo sa COVID-19 at 1,202 naman ang negatibo.

Hinihintay naman ang resulta sa isinagawang tests sa iba pa.

Nagpapatuloy araw-araw ang community based testing sa lungsod.

Bawat distrito ay nilagyan ng testing centers para mas maging accessible sa mga residente.