Gamit ang GCash ng Globe, matatanggap ng mga residente ng Makati ang P5,000 ayuda ng lokal na pamahalaan sa lahat ng mamamayan nito na edad 18 pataas.
Sa ilalim ito ng P2.7 billion na Makatizen Economic Relief Program ng lungsod.
Sa halip na mano-manong i-disburse o iabot sa mga residente ang pera, upang maiwasan ang physical contact ay papasok ang tulong-pinansyal sa GCash.
“Makati City has always been one of the most forward-looking local governments in the Philippines, and GCash is ready to help it achieve its goal. We are happy to see our platform being used by government units to fight Covid-19 and ultimately flatten the curve. GCash provides a quick, safe and secure data-driven disbursement platform for the city,” ayon kay GCash Vice President for Enterprise Luigi Reyes.
Tinatayang aabot sa mahigit 500,000 mamamayan ng Makati ang makatatanggap ng naturang tulong.
Per head din ang tulong-pinansyal at hindi per family. Ibig sabihin, ang isang bahay na mayroong 4 na residente na edad 18 pataas ay makatatanggap ng P20,000 na tulong pinansyal.
Kwalipikado ring tumanggap nito ang mga dati nang beneficiaries ng Social Amelioration Program (SAP), kabilang ang mga senior citizens, persons with disability, informal workers, at solo parents.