BREAKING: Baganga, Davao Oriental niyanig ng magnitude 4.5 na lindol

(UPDATE) Niyanig ng magnitude 4.5 na lindol ang bayan ng Baganga sa lalawigan ng Davao Oriental.

Ayon sa Phivolcs, naitala ang pagyanig sa layong 70 kilometers Northeast ng Baganga alas-7:33 umaga ng Martes (May 12).

May lalim na 18 kilometers ang lindol at tectonic ang origin nito.

Wala namang naitalang intensities at hindi rin ito inaasahang magdudulot ng pinsala at aftershocks.

Samantala, alas 7:43 ng umaga naman naitala pa ang magnitude 3.9 na lindol sa bayan pa rin ng Baganga.

Ang epicenter nito ay sa layong 103 kilometers northeast ng Baganga.

1 kilometer lang ang lalim ng naturang pagyanig.