Petisyon ng ABS-CBN vs NTC nai-raffle na ng Korte Suprema

Nakapagsagawa na ng raffle ngayong Lunes, May 11, 2020 ang Korte Suprema sa petisyon ng ABS-CBN laban sa National telecommunications Commission o NTC.

Kinumpirma ito ni SC Spokesperson Atty. Brian Keith Hosaka.

Ayon kay Hosaka, mayroon nang member-in-charge na hahawak sa nasabing petisyon.

Confidential aniya ang resulta ng raffle sa ilalim ng internal rules ng Supreme Court.

Sa petisyon ng network, hinihiling nito sa Korte Suprema na magpalabas ng temporary restraining order na pipigil sa cease and desist order na inilabas ng NTC sa operasyon ng network.