Health workers na apektado ng COVID-19, 1,991 na

Umakyat na sa 1,991 ang bilang ng healthcare workers na nagpositibo sa COVID-19 sa Pilipinas.

Ayon sa Department of Health (DOH) hanggang May 9, 1,413 sa 1,991 ang aktibong kaso ng nakakahawang sakit.

Sa nasabing bilang, 407 ang asymptomatic, 999 ang mild at pito ang may severe condition.

Narito ang naitalang kaso sa mga sumusunod na health worker:
– Physician o doktor – 628
– Nurse – 753
– Nursing Assistant – 127
– Medical Technologist – 72
– Radiologic Technologist – 39
– Non-medical staff – 158

Umabot na sa 544 ang total recoveries sa mga health worker habang 34 naman ang pumanaw.