Seremonya para sa pagreretiro ni SC Justice Andres Reyes idinaos online

By: Dona Dominguez-Cargullo - 5 years ago

Nagsagawa ng online retirement ceremony ang Korte Suprema para sa nakatakdang pagreretiro sa pwesto ni Supreme Court Associate Justice Andres B. Reyes.

Ibinahagi sa Twitter account ng Supreme Court Public Information Office ang screenshot ng mga mahistrado sa ginawang online retirement ceremony Biyernes (May 8) ng umaga.

Si Reyes ay nakatakdang magretiro sa May 11, 2020.

Dahil sa COVID-19 ang mga sesyon at deliberasyon ng mga mahistrado ng Korte Suprema ay idinaraos na rin online.