BREAKING: Bilang ng tinamaan ng COVID-19 sa Pilipinas, pumalo na sa 10,004

Pumalo na sa 10,004 ang bilang ng kumpirmadong kaso ng Coronavirus Disease o COVID-19 sa Pilipinas

Sa datos ng Department of Health (DOH) hanggang 4:00, Miyerkules ng hapon (May 6), 320 ang panibagong tinamaan ng nakakahawang sakit sa bansa sa nakalipas na 24 oras.

Sa nasabing bilang, 179 o 56 porsyento ay naitala sa National Capital Region, 98 o 31 porsyento sa Region 7, at 43 o 13 porsyento naman mula sa iba pang lugar.

Ayon pa sa DOH, 21 pa nasawi dahil para umabot ang COVID-19 related deaths sa Pilipinas sa 658.

98 namang pasyente ang gumaling sa COVID-19 pandemic.

Bunsod nito, 1,506 na ang total recoveries ng nakakahawang sakit sa bansa.