Pinadalhan na ng show cause order ng Manila City government ang 46 na barangay officials dahil sa iregularidad pamamahagi sa reieg assistance at allowance na ipinamimigay ng pamahalaan sa mga apektado ng coronavirus disease o COVID-19.
Ayon kay Acting Manila City Administrator Atty. Marlon Lacson, pinagpapaliwanag ang mga barangay officials sa loob ng 72 na oras dahil sa paglabag sa Bayanihan: We Heal As One Act, Anti-Graft and Corrupt Practices Act at City ordinances.
Inirereklamo ang mga barangay officials dahil P500 lamang ang ibinigay na ayuda sa halip na P1,000 na financial aid mula sa city government.
Inirereklamo din ang mga barangay officials ng mga senior citizen dahil sa hindi pagbibigay ng milk food supplement assistance, mga binawang relief goods at iba pa.
Kapag nabigo ang mga barangay officials na makapagbigay ng paliwanag, ikukunsudira ito ng Manila city government na waiver at tutuloy na sa preliminary investigation.