Mga pulis sa Marikina at NCRPO sasalang sa COVID test

Isasalang sa pagsusuri sa COVID-19 ang mga pulis na nakatalaga sa Marikina.

Ayon kay National Capital Region Police Office (NCRPO) chief Major General Debold Sinas, ito ay para malaman kung tinamaan na ang mga pulis ng COVID-19 na nagsisilbing frontliners.

Dagdag ni Sinas, 100 pulis din mula sa NCRPO ang sasalang sa kaparehong pagsusuri.

Sasailalim sa COVID test ang mga pulis sa Marikina molecular laboratory testing facility.

Bibigyang prayoridad aniya sa COVID test ang mga pulis na nagmamando sa mga checkpoint.