DILG nakatanggap na ng 2,000 reklamo laban sa mga LGU na lumalabag sa ECQ protocols

Umabot na sa 2,000 ang reklamong natanggap ng Department of Interior and Local Government (DILG) laban sa mga local official na lumalabag sa ECQ protocols.

Ngayong nasa kasagsagan ng pamamahagi ng cash assistance sa ilalim ng Social Amelioration Program (SAP) sinabi ni DILG Undersecretary for Barangay Affairs Martin Diño na dumami ang reklamo.

Isa sa nagiging problema sa pamamahagi ng SAP ay ang pagkakaroon ng social distancing.

Sa ngayon, limang alkalde na at 100 barangay captains ang naisyuhan ng show cause orders ng DILG.