Dalawa pang kaso ng COVID-19, naitala sa Navotas City

Nasa dalawang panibagong kaso ng COVID-19 ang napaulat sa Navotas City.

Ayon kay Mayor Toby Tiangco, naitala ang dalawang kaso sa Barangay NBBS Dagat-dagatan at NBBS Kaunlaran.

Dahil dito, sa huling datos hanggang 3:00, Sabado ng hapon (May 2), 48 na ang confirmed COVID-19 cases sa lungsod.

Sa nasabing bilang, 18 ang naka-confine sa mga pagamutan o nakasailalim sa home quarantine.

15 naman ang bilang ng recoveries at 15 ang nasawi sa lungsod bunsod ng COVID-19.