Mga pulis na apektado ng COVID-19, 96 na – Gamboa

Tumaas pa ang bilang ng mga pulis na apektado ng COVID-19.

Sa virtual presser, sinabi ni Philippine National Police (PNP) Chief General Archie Gamboa na 96 PNP personnel na ang tinamaan ng nakakahawang sakit.

Sa nasabing bilang, 12 ang naka-recover habang tatlo ang nasawi.

Sa kabila nito, patuloy aniyang gagampanan ang tungkulin ng kanilang hanay para sa pagpapatupad ng enhanced community quarantine.

“We continue to manage the required deployment of frontline police personnel for ECQ duties through regular rotation alternately between quarantine cycles to allow our personnel to rest and prepare for the next round of duty,” pahayag pa ni Gamboa.