Domestic at international flights sa MCIA mananatiling suspendido hanggang May 15

Mananatiling suspendido hanggang May 15,2020 ang lahat ng domestic at international flights sa Mactan Cebu International Airport (MCIA).

Ito ay dahil sa pagpapalawig pa ng enhanced community quarantine.

Ayon sa abiso ng MCIA, suspendido din indefinitely ang operasyon ng international airlines sa nasabing paliparan.

Magpapatuloy naman ang operasyon ng cargo flights sa paliparan para masiguro na hinid maaabala ang pagbiyahe ng mga medical supplies at iba pang gamit.

Bukas din ang MCIA sa mga sweeper flight na aasikasuhin ng foreign embassies para maibiyahe ang kanilang mga stranded na mamamayan.