Heat index sa Metro Manila, umabot sa 42 degrees Celsius

Naging matindi ang naramdamang init at maalinsangang panahon sa Metro Manila, araw ng Miyerkules (April 29).

Ayon sa PAGASA, pumalo sa 42 degrees Celsius ang heat index sa bahagi ng Science Garden, Quezon bandang 12:45 ng tanghali.

Mas mataas ito kumpara sa naitalang heat index noong Martes, April 28.

Ayon pa sa weather bureau, nasa 35.1 degrees Celsius ang naitalang maximum temperature sa nasabing lugar.

Payo ng PAGASA, dalasan ang pag-inom ng tubig at iwasan ang anumang physical activities tuwing tanghali at hapon.