QC gov’t, nag-iimbestiga na sa ulat na umano’y pambubugbog sa isang hinihinalang lumabag sa quarantine

Nagsasagawa na ng imbestigasyon ang Quezon City government hinggil na sa napaulat na umano’y pambubugbog ng ilang otoridad sa isang hinihinalang lumabag sa enhanced community quarantine protocols.

Sa kumalat na video sa social media, makikitang nakapalibot ang mga otoridad sa isang lalaki na sinasabing lumabag sa panuntunan sa quarantine.

Maririnig pa sa video ang reaksyon ng mga residente sa lugar na tutol sa ginagawa ng mga otoridad para mahuli ang lalaki.

Naganap ang insidente sa bahagi ng MPlace Condominium sa Panay Avenue, Barangay South Triangle.

“The City Government shall never condone any acts of violence or violation of human rights, regardless of reason or justification, especially when committed by an official or employee of the City Government or any of the City’s Barangays,” pahayag ng QC LGU.

Tiniyak pa nito na sasampahan ng kaukulang kaso ang sinumang dapat managot sa insidente.

“While the City Government reiterates its resolve to fully enforce ECQ protocols at this time of the COVID-19 pandemic, all its personnel and agents are strongly reminded to always conduct themselves with proper decorum and restraint, and to observe compassion and tolerance, especially in these difficult times,” dagdag pa ng QC government.