Nahuling home quarantine violators sa Navotas, umabot na sa 1,166

Nadagdagan pa ang bilang ng nahuling lumabag sa home quarantine sa Navotas City.

Ayon sa Navotas City government, hanggang 6:00, Martes ng umaga (April 28), pito ang nahuli ng mga otoridad na home quarantine violators.

Dahil dito, umabt na sa 1,166 ang nahuhuling lumabag sa ipinatutupad na home quarantine simula March 20 hanggang April 28.

Maliban dito, limang menor de edad ang nahuli ng mga otoridad na lumabag din hanggang 6:00, Martes ng umaga.

Sa huling tala, 530 na ang home quarantine violators na menor de edad sa nasabing lungsod.