Mag-asawa nandaya sa ayuda ng DSWD sa Valenzuela; lalaki ipinakulong ng LGU

Ipinakulong ng Valenzuela City government ang isang lalaking residente matapos siya at kaniyang live-in partner ay kapwa mag-claim ng ayuda mula sa Department of Social Welfare and Development (DSWD).

Ipinatawag sa tanggapan ni Mayor Rex Gatchalian ang dalawa na live-in partner mula sa Gen. T de Leon.

Kapwa umamin ang dalawa sa ginawang panloloko.

Parehong kumuha ng SAC form ang magka live-in at nag-fill up ng form kahit na limitado lang ito para sa isang pamilya.

Parehong beneficiaries din ang inilathala nila sa mga SAC form.

Dahil sa ginawang panloloko ay ipinakulong ang lalaki at sasampahan ng kasong falsification of public documents at estafa.