Sarangani, Davao Occidental muling niyanig ng lindol

Niyanig ng magnitude 3.6 na lindol ang lalawigan ng Davao Occidental .

Ayon sa Phivolcs, naitala ang pagyanig sa 293 kilometers Southeast ng bayan ng Sarangani, alas-5:11 madaling araw ng Biyernes (April 24).

May lalim na 21 kilometers at tectonic ang origin ng pagyanig.

Wala namang naitalang pagkasira sa mga ari-arian, intensities at aftershocks.

Nauna ng niyanig ng magnitude 3.3 na lindol ang Sarangani, Davao Occidental kaninang 2:57 ng madaling araw.