20 naarestong lumabag sa hard lockdwon sa Sampaloc, Maynila

Sa unang gabi na pagpapatupad ng hard lockdown sa Sampaloc, Maynila umabot sa 20 ang naarestong lumabag.

Sa panayam ng Radyo Inquirer sinabi ni Manila Mayor Isko Moreno na kuntento siya sa ngayon sa pagsunod ng mga residente.

Mayorya aniya ay sumusunod sa guidelines at mangilan-ngilan lang ang lumabag.

“Generally peaceful naman, sumusunod ang mga residente, halos lahat nagsasakripisyo,” ayon sa alkalde.

Ang mga naaresto ay dinala sa holding facility.

Katuwang ng lokal na pamahalaan ang mga pulis at sundalo sa pagpapatupad ng hard lockdown sa Sampaloc.