360 na crew ng MV Ruby Princess nakasakay na ng chartered flight pauwi ng bansa

Pauwi na ng bansa ang 360 na Filipino crew ng MV Ruby Princess matapos ma-stranded ng Port Kembla sa Sydney, Australia mula noong April 6.

Inasistihan ng mga tauhan ng Philippine Embassy sa Canberra at Philippine Consulate General sa Sydney ang mga Pinoy crew sa kanilang pagsakay sa chartered plane pauwi ng Pilipinas.

Ayon sa konsulada, lahat ng Pinoy crew ay nabigyan ng clearance para makauwi ng Pilipinas.

Mahigit 100 Filipino nationals pa ang nananatiling sakay ng MV Ruby Princess na naglalayag na mula Sydney patungong Pilipinas.

Ang mga natirang Pinoy crew ay kailangan para sa operasyon ng barko sa paglalayag nito.