BREAKING: Bilang ng tinamaan ng COVID-19 sa Pilipinas, umakyat na sa 6,710

Patuloy pa rin ang paglobo ng kaso ng COVID-19 sa Pilipinas.

Sa huling datos ng Department of Health (DOH) hanggang 4:00, Miyerkules ng hapon (April 22), 6,710 na ang tinamaan ng nakakahawang sakit sa bansa.

111 ang bagong naitalang kaso nito sa bansa sa nakalipas na 24 oras.

Siyam namang pasyente ang nasawi sa magdamag kung kayat ang COVID-19 related deaths sa Pilipinas ay 446 na

Samantala, 39 pasyente ang bagong naitalang gumaling sa COVID-19.

Bunsod nito, umabot na sa 693 ang total recoveries ng sakit sa bansa.