3 dagdag na molecular laboratories itatayo ng Red Cross ngayong linggo

Magtatayo ng dagdag na molecular laboratories ang Philippine Red Cross (PRC) ngayong linggo.

Ayon kay Red Cross Chairman at Senator Richard Gordon, ang naturang mga laboratoryo ay kayang makapagsagawa ng 1,200 na test kada araw.

Pinasalamatan naman ni Gordon ang mga kumpanya na tumulong at nag-donate para sa mga laboratoryo ng Red Cross.

Ang unang molecular laboratory ng Red Cross ay na nasa headquarters nito sa Mandaluyong nagagamit na ngayon at nakapagpoproseso na ng COVID-19 test.