9 na Pinoy sa Hong Kong ginagamot pa sa ospital dahil sa COVID-19

Mayroon pang siyam na Overseas Filipino Workers (OFWs) sa Hong Kong ang ginagamot sa ospital dahil sa COVID-19.

Ayon sa Philippine Consulate General sa Hong Kong, limang babae at apat na lalaki na OFWs ay nagpapagaling sa iba’t ibang ospital.

Tiniyak ng konsulada na nabibigyan sila ng karampatang tulong at atensyon.

Bagaman bumababa na ang bilang ng mga Pinoy na apektado ng COVID-19 sa Hong Kong ay patuloy ang paalala ng konsulada na maging maingat.

Manatili lamang sa bahay at iwasan ang magtungo sa matataong lugar.