Paglipat sa Bilibid sa 18 preso na COVID-19 positive ikinadismaya ni Muntinlupa Mayor Jaime Fresnedi

Dismayado si Muntinlupa Mayor Jaime Fresnedi sa ginawang pasya ng Bureau of Corrections (BuCor) na ilipat sa New Bilibid Prisons ang 18 bilanggo na mula sa Correctional Institution for Women sa Mandaluyong.

Ayon kay Fresnedi, ginawa ang paglilipat sa mga bilanggo nang hindi nakikipag-ugnayan sa lokal na pamahalaan.

Tutol si Fresnedi na inilipat sa Muntinlupa ang mga presong positibo sa COVID-19.

Ang 18 preso mula sa Correctional ay dinala sa Medium Security ng Bilibid sa Muntinlupa.

Kahapon inanunsyo ng BuCor na nagpositibo sa COVID-19 ang 18 bilanggo na pawang nagkaroon ng exposure sa isang 72 anyos na bilanggo na unang nagpositibo sa sakit noong April 18.

Ayon kay BuCor spokesperosn Gabriele Chaclag, may itinalagang limang gusali sa loob ng medium security ng Bilibid para maging isolation areas sa mga preso na tatamaan ng COVID-19.