North Korean leader Kim Jong Un sumailalim umano sa operasyon

Bineberipika na ng South korean Government ang impormasyon na hindi maganda ang kondisyon ngayon ni North Korean leader Kim Jong Un matapos na sumailalim sa operasyon.

Ayon sa mga opisyal mula sa Unification Ministry and National Intelligence Service ng SoKor, base sa mga impormasyong nakarating sa kanila, nasa “grave danger” ang kondisyon ng North Korea pero masusi nilang inaalam ang katototohanan hinggil dito.

Sa ulat na inilabas ng Daily NK, si Kim ay sumailalim sa heart surgery sa Pyongyang.

Unang lumabas ang mga spekulasyon tungkol sa kondisyon ng kalusugan ni Kim nang hindi siya makadalo sa selebrasyon para sa kaniyang lolo at state founder na si Kim Il Sung noong April 15.