Bayan ng Montalban sa Rizal nakapagtala na ng 2 nasawi dahil sa COVID-19

Mayroon nang nasawing pasyente ng COVID-19 sa bayan ng Montalban sa Rizal.

Ang dalawang pasyenteng pumanaw ang mga unang nasawi sa naturang bayan dahil sa sakit.

Batay sa datos, sa 14 na kumpirmadong kaso ng COVID-19 sa Montalban, 2 ang pumanaw at mayroon ding 2 naka-recover.

Ang dalawang pumanaw na pasyente ay mula sa Barangay Burgos at Barangay San Jose.

Patuloy ang contact tracing ng lokal na pamahalaan sa mga nakasalamuha ng dalawang pumanaw na pasyente.