PAGASA, nakapagtala ng mainit na temperature sa ilang lugar sa bansa

Nakapagtala ng mainit at maalinsangang panahon sa ilang lalawigan sa bansa.

Sa datos ng PAGASA, araw ng Biyernes (April 17), naitala ang pinaka-mainit na temperatura sa San Jose, Occidental Mindoro.

Umabot sa 37.5 degrees Celsius ang temperatura sa nasabing lugar.

Sumunod dito ang Cotabato City na nakapagtala ng temperatura na 37.4 degrees Celsius.

Narito naman ang naramdamang init sa iba pang lugar:
– Guiuan, Eastern Samar – 36.6 degrees Celsius
– Tagum City – 36.1 degrees Celsius
– Tuguegarao City – 36.0 degrees Celsius

Payo ng PAGASA, dalasan ang pag-inom ng tubig at iwasan ang physical activities tuwing tanghali at hapon.